便秘無曬

食生情況:

提高左食生比率約50-70%,基本上而家既做法係係屋企食就RAW,出街就熟食(但係沒有指定素食)。

濕疹情況:穩定左,以前嚴重個時係一起身用清水洗面,塊面係痛架，就算用保濕ＣＲＥＡＭ都唔會吸收,但係而家好似少左發炎,，查左Ｄ　ＣＲＥＡＭ好似會吸收，皮膚真係明顯好左(濕疹比較少既地方)。

食生暫時濕疹變化唔大，主要係穩定左。但有個好大大大大大大變化，就係便秘無左。如果食生維持５０％以上（一定要有菜係度）一日兩次基本係一定有，如果個日食肉多左，好似以前咁既飲食，又再次便秘。就係有得去都唔會ＡＬＬ得清，個肚都係脹住脹住，個感覺差好遠的。

我一向都有便秘情況，兩三日先去一次，唔知有濕疹既你地係咪都有呢個問題。可能真係Ｄ　野留係身體太耐，將Ｄ毒素吸返返去身體度。以常識諗諗，ＡＬＬ　Ｄ野出黎甘臭，自己都頂唔順，點解要留係個身體不斷比佢吸收呢？

仲有一個發現就係，原來你食乜野真係ＡＬＬ出黎係乜野，好似呢句好廢。我想講係我升左食生，食素（不落調味料），ＡＬＬ出黎既便便真係無味。食多Ｄ有味精，調味料既野，ＡＬＬ出黎既便便十分之臭。真係ＹＯＵ　ＡＲＥ　ＷＨＡＴ　ＹＯＵ　ＥＡＴ。

其實便秘真係一個好大問題，唔係脹住脹住甘簡單，我知道好多人因為秘便而去醫院通便。而且都會因為呢個問題而得到腸癌，所以唔好話搞唔搞得店濕疹先，最起碼搞店我既便秘，我相信都會將食生放係我以後既飲食餐單內。雖然搞咁耐都未１００％食生，又出街食呀，又食肉呀，又食Ｍ記呀，主要我係未ＲＥＡＤＹ，其實搞濕疹好易但又好難，就係１００％食生，大約半年至一年就可以斷尾。